काठमाडौंमा ज्ञवाली, महाशाखामा थापाको सरुवा

काठमाडौँ प्रहरी परिसरको प्रमुखमा वरिष्ठ प्रहरी उपरिक्षक (एसएसपी) श्याम ज्ञवाली र अपराध महाशाखामा दीपक थापाको सरुवा भएको छ। गृह मन्त्रालयले प्रहरी प्रधान कार्यालयको सिफारिस अनुसार ज्ञवालीलाई काठमाडौं र थापालाई महाशाखा प्रमुखको जिम्मेवारी दिएको हो।

दुवै प्रहरी कार्यालयका प्रमुख डीआईजीमा बढुवा भएपछि रिक्त भएको थियो। सहकुल थापा र उत्तम सुवेदी गतसाता डीआईजीमा बढुवा भएका थिए। रिक्त भएपनि प्रधानमन्त्री र गृहमन्त्रालयको बीचमा कुरा मिल्न नसक्दा सरुवामा ढिलाई भएको हो। तर गृहले प्रधान कार्यलयको सिफारिस अनुसार नै सरुवा गरेको हो।

१५ महिना अघि ज्ञवाली र थापा एसएसपीमा बढुवा भएका हुन्। यसअघि थापा प्रधान कार्यालय र ज्ञवाली महानगरीय प्रहरी कार्यालयमा कार्यरत थिए।