युनिकोड
भारतको सत्तारुढ भारतीय जनता पार्टीका एक सांसदले मुस्लिम पसलेहरुलाई बहिष्कार गर्न आह्वान गरेका छन्। सो घटनापछि पार्टीले उनीसँग स्पष्टीकरण मागेको छ।
‘एउटा कुरा ख्याल गर्नुहोला। म खुल्लमखुल्ला सबैलाई भनिरहेको छु। मुस्लिमसँग तरकारी फलफूल किन्नुपर्ने कुनै जरुरत छैन,’ उत्तर प्रदेशका एक विधायक सुरेश तिवारीले भिडियोमा भनेका छन्।
मुस्लिम व्यापारीले तरकारी तथा फलफूलमा थुकेर संक्रमण फैलाउने गरेको आधारहीन आरोप पनि उनले लगाए।
सो भिडियो भाइरल भएपछि भाजपामाथि दबाब बढेको छ। त्यसैले भाजपाले उनीसँग स्पष्टीकरण सोधेको छ।
पछिल्लो समय भारतमा हिन्दु अतिवादीहरुले कोरोना भाइरस संक्रमणलाई साम्प्रदायिक रङ दिने प्रयास गरिरहेका छन्। एजेन्सी
प्रतिक्रिया