युनिकोड
सेना तथा प्रहरीले गोली चलाउँदा उनीहरुको मृत्यु भएको अधिकारवादी संस्थाहरुले बताएका छन्।
म्यान्मारमा गत फेब्रुअरी १ मा लोकतान्त्रिक नेतृ आङ साङ सुची, राष्ट्रपति विन मिन्टसहित शीर्ष नेताहरुलाई नियन्त्रणमा लिएर सेनाले सत्ता हत्याएका हुन्।
त्यस दिनदेखि त्यहाँ लगातार लोकतन्त्र पुनस्र्थापनाको माग गर्दै प्रदर्शन भइरहेको छ।
आन्दोलन रोकिने अवस्था नदेखिएपछि सत्ता टिकाइ रहन यतिबेला सेना र प्रहरीले प्रदर्शनकारीमाथि गोली चलाउने गरेका छन्।
गतहप्ताको शुक्रबार सेनाले बागो क्षेत्रमा गोली प्रहार गरी एकैदिन ८२ प्रदर्शनकारीको हत्या गरेका थिए।
म्यान्मारको सैन्य दमनलाई निगरानी गरिरहेको अधिकारवादी समूह एएपीपीका अनुसार सेनाले गत शुक्रबार मारिएका ८२ जना शव आफैंले लिएर गएको छ।
यतिबेला सेनाले ती मृतकको आफन्तलाई शवको बदलामा पैसा मागेको एएपीपीको भनाइ छ।
सेनाले शव फिर्ता लिनको लागि मृतकका परिवारले ८५ अमेरिकी डलर तिर्नुपर्ने बताएको यस संस्थाको भनाइ छ।
धाँधली गरेर सुचीको पार्टीले चुनाव जितेको भन्दै सेनाले सत्ता हातमा लिएका थिए।
एक वर्षपछि आम निर्वाचन गराएर मात्र सत्ता हस्तान्तरण गर्ने जुन्ता शासकको भनाइ छ। सीएनएन
याे पनि: यी हुन् म्यानमारको सत्ता कब्जा गर्ने शक्तिशाली सेनापति
- म्यान्मारमा बढ्दै हिंसा, सुरक्षाकर्मीले मारे बच्चासहित एकैदिन ९० भन्दा बढी प्रदर्शनकारी
- म्यान्मारका जनतामाथि सेनाको हवाई कारवाही, बम आक्रमणपछि ३ हजार थाइल्यान्ड भागे
प्रतिक्रिया