युनिकोड
नेपाली कांग्रेस केन्द्रीय कार्यसम्पादन समितिले विशेष महाधिवेशको औचित्य सकिएको निर्णय गरेको छ।
शुक्रबार बसेको कार्यसम्पादन समितिको बैठकको पहिलो निर्णयमा १५औँ महाधिवेशनको कार्यतालिका आएसँगै विशेष महाधिवेशनको औचित्य सकिएको जनाएको छ। कांग्रेस कार्यसम्पादन समितिको बैठकले बहुमतबाट निर्णय गरेको थियो।
कांग्रेसको निर्णयमा भनिएको छ, ‘नियमित १५औँ महाधिवेशनको कार्यतालिका बमोजिम आवश्यक प्रक्रिया अघि बढिसकेको सन्दर्भमा विधान बमोजिम समयमै नियमित १५औँ महाधिवेशन वा सोही अवधिमा विशेष महाधिवेशन गर्न भनी माग गरिएको विशेष महाधिवेशनको औचित्य २०८२ मंसिर १५ गतेदेखि नै स्वतः समाप्त भएको व्यहोरा स्पष्ट गरिन्छ।’
नियमित महाधिवेशनको प्रक्रिया अघि बढिसकेकाले विशेष महाधिवेशन आवश्यक नभएको कांग्रेस कार्यसम्पादन समितिको ठहर छ। यससँगै फागुन २१ गते हुने प्रतिनिधि सभा सदस्यको निर्वाचनका लागि समानुपातिक उम्मेदवारको सूची बुझाइसकिएको र सबै निर्वाचनमा केन्द्रित भएकाले पनि विशेष महाधिवेशन आवयश्क नभएको कांग्रेसले जनाएको छ।
कांग्रेस कार्यसम्पादन समितिको बैठकले नेता तथा कार्यकर्तालाई चुनावमा केन्द्रित हुन अपील गरेको छ। बैठकको निर्णयमा भनिएके छ, ‘सबै सांगठनिक संरचनामा आवद्ध सदस्य साथीहरू व्यापक परिचालित भई घोषित निर्वाचनमा नेपाली कांग्रेसको पक्षमा बहुमत दिलाउन क्रियाशील रहन नेपाली कांग्रेस हार्दिक अपील गर्दछ।’
यी पनि पढ्नुहोस् :
प्रतिक्रिया