जेनजी कसैको पेवा होइन, स्टन्ट नगरे हुन्छ : प्रचण्ड

नेपाली कम्युनिस्ट पार्टी (नेकपा)का संयोजक पुष्पकमल दाहाल प्रचण्डले जेनजी कुनै व्यक्ति वा समूहको पेवा नभएको बताएका छन्। 

नेकपाले काठमाडौँको भृकुटीमण्डपमा शनिबार आयोजना गरेको एकता सन्देश सभालाई सम्बोधन गर्दै प्रचण्डले जेनजीका नाममा स्टन्ट नगर्न चेतावनी दिए। ‘जेनजी कसैको पेवा होइन। हामी जेनजीका प्रतिनिधि भनेर कसैले स्टन्ट नगरे हुन्छ,’ उनले भने, ‘जेनजीको असल प्रतिनिधि नेपाली कम्युनिस्ट पार्टी हो।’

उनले गलत वा सही भन्ने कुरा विचार र एजेन्डाका आधारमा हुने जिकिर गरे। जेनजीलाई उमेरका कुरा गरेर अलमलमा नपार्न आग्रह गर्दै प्रचण्डले भने, ‘को गलत, को सही भन्ने एजेन्डा, विचारमा निभएर हुन्छ, उमेरमा होइन।’

समाजमा तीनै उमेर समूहका व्यक्ति आवश्यक हुने उनको भनाइ थियो। ‘कम्युनिस्टले भन्ने गर्छन् थ्रि इन वान। युवा, प्रौढ र वृद्ध। सबैले मिलेर समाज बन्छ,’ उनले भने। 

जेनजीको नाममा निर्वाचनको मिति नसार्न पनि उनले अपील गरे। अन्तरिम सरकार बनाउन सहजीकरण गरेको स्मरण गर्दै उनले भने, ‘सरकारले निर्वाचन सारियो भने चुप लागेर बस्ने छैनौंँ।’

थप समाचार :

• एमाले भित्रभित्रै चुनावको तयारी गरिरहेको छ : प्रचण्ड
• बालेन र हर्कलाई प्रचण्डको आग्रह- सहिदको रगतको मूल्य बुझ्नुहोस्
• प्रचण्डको खबरदारी : निर्वाचन बिथोल्ने काम कसैले नगरोस्
• खुलामञ्चलाई खुला राख्न प्रचण्डको आग्रह
• ठीक समयमा ठीक निर्णय गरेको बोध भएको छ : माधव नेपाल
• जनताको मत भ्रष्टाचारीलाई लाइसेन्स बन्नुहुँदैन : राजेन्द्र श्रेष्ठ
• रगत र पसिना बगाएर ल्याएको गणतन्त्रलाई छिन्नभिन्न पार्न खोजिँदै छ : जयपुरी घर्ती
• यी तस्बिरमा हेर्नुहोस् भृकुटीमण्डपमा नेकपाको सन्देश सभा