बंगलादेशको अवस्थाबारे छलफल गर्न अहिले भारतीय संसदमा सर्वदलीय बैठक बसिरहेको छ।
भारतीय सञ्चारमाध्यमका अनुसार बैठक संसद् भवनमा सुरु भएको छ।
बैठकमा केन्द्रीय गृहमन्त्री अमित शाह, विदेशमन्त्री एस जयशंकर, रक्षामन्त्री राजनाथ सिंह, राज्यसभामा सदनका नेता जेपी नड्डा, संसदीय मामिलामन्त्री किरेन रिजिजु उपस्थित छन्।
बैठकमा राहुल गान्धी र केसी वेणुगोपाल पनि पुगेका छन्।
द्रमुकका टीआर बालु, जेडीयूका लल्लन सिंह, सपाका रामगोपाल यादव, टीएमसीका सुदीप बन्द्योपाध्याय, आरजेडीका मीसा भारती, एसएस (यूबीटी) अरविन्द सावन्त, बीजेडीका सस्मित पात्रा, एनसीपी (एसपी)का सुप्रिया सुले, टीडीपीका रामनाथ मोदी पनि उपस्थित छन्।
भारतीय सञ्चारमाध्यमका अनुसार विदेशमन्त्री एस जयशंकर बंगलादेशको अवस्थाबारे ब्रिफिङ गरिरहेका छन् ।
हेर्नुहोस् भिडिओ-
#WATCH | Delhi: All-party meeting underway in the Parliament on the issue of Bangladesh. EAM Dr S Jaishankar briefs the members of different political parties. pic.twitter.com/4Cl1rFRkyG
— ANI (@ANI) August 6, 2024
बंगलादेशमा आन्दोलन चर्किएपछि सोमबार शेख हसिना प्रधानमन्त्री पदबाट राजीनामा दिँदै देश छाडेर भारत आएकी छन्।
उनी सोमबार साँझ ५:३६ बजे भारत आइपुगेको भारतीय सञ्चारमाध्यमले उल्लेख गरेका छन्।
हाल शेख हसिना भारतस्थित गाजियाबादको हिन्डन एयरबेसमा सेफ हाउसमा छिन्।
हसिनाले देश छाडेपछि बंगलादेशका राष्ट्रपति मोहम्मद शाहबुद्दिनले जनवरी २०२४ मा भएको निर्वाचनपछि बनेको संसद् विघटन भएको घोषणा गरेका छन्।
बंगलादेश संकट अपडेट :
- यी ८ तस्बिरमा हर्नुहोस् हसिना हिँडेपछि प्रधानमन्त्री निवासमा भएको बबन्डर
- सेनाप्रमुख बनेको महिना दिनमै मुलुकको मियो बन्न पुगे जर्नेल जमान
- शेख हसिनाले देश छाडेपछि खालिदा जियालाई रिहा गर्न आदेश
- हसिना सत्ताच्यूत हुँदा ‘राजनीतिक मित्र’ मोदीलाई ठूलो घाटा
- सेनाले दिएको थियो भाग्न ४५ मिनेटको अल्टिमेटम
- बंगलादेशीहरू गोलीसँग डराउन छाडे, सेनाले पनि हात झिक्यो अनि हसिनाले घुँडा टेकिन्
- शेख हसिना सवार विमान भारत अवतरण, त्यहाँबाट पनि लन्डन भाग्ने सम्भावना
- हसिना भारततर्फै किन भागिन्?
- आर्थिक समृद्धिले थामेन हसिनाको कुर्सी, लोकतन्त्र मास्न खोज्दा देश छाडेर भाग्नुपर्यो
- शेख हसिना भागेपछि प्रधानमन्त्री निवासमा आन्दोलनकारीको ढलीमली (भिडिओ)
- भाषण रेकर्ड गर्ने मौका पनि पाइनन् शेख हसिनाले
- बंगलादेशमा अन्तरिम सरकार बनाउने सेना प्रमुखको घोषणा
- बंगलादेशकी प्रधानमन्त्रीको राजीनामा, प्रदर्शनकारी प्रधानमन्त्री निवास छिरे
- प्रधानमन्त्री निवासमा आन्दोलनकारी पसेपछि भागिन् हसिना
- प्रधानमन्त्री शेख हसिनाले ढाका छोडिन्, सेना प्रमुखले सम्बोधन गर्दै
Shares
प्रतिक्रिया