युनिकोड
अखिल नेपाल फुटबल संघ (एन्फा) को १९औं साधारण सभा ललितपुरकाे सानेपामा सुरु भएको छ।
साधारण सभामा चालु आर्थिक वर्षका लागि झन्डै ८६ करोड बजेट प्रस्तुत गर्ने कार्यसूची छ।
कोषाध्यक्ष रविन्द्र जोशीले सोमबारको बैठकमा पेस गरेको ८५ करोड ६६ लाख ४२ हजार २ सय ४० रुपैयाँको अनुमानित बटेजलाई साधारण सभामा प्रस्तुत गर्ने हिजो बसेको कार्यसमिति बैठकले निर्णय गरेको थियो।
जारी साधारण सभामा खोटाङ, मनाङ र नवपरासी सुस्ता पूर्व जिल्लालाई प्रदान गरेको एन्फाको सदस्यता अनुमोदनका लागि प्रस्तुत गरिनेछ। सभाले अनुमोदन गरेमा एन्फाका सदस्य जिल्ला ४८ पुग्नेछ।
त्यस्तै एन्फा विधान संशाेधन मस्यौदा समितिले तयार पारेको तीनमहले प्रस्ताव साधारण सभामा प्रस्तुत गर्ने कार्यसूची छ।
साधारण सभामा एन्फा ९९ सदस्य संस्था जिल्ला, क्लब (ए,बी,सी), प्रदेश, ४ समिति (महिला, रेफ्री, खेलाडी, प्रशिक्षक), परिवेक्षक गरि झन्डै २ सय जनाको सहभागिता छ।
प्रतिक्रिया