यूईएफए युरोपा लिग फुटबलको उपाधिका लागि शुक्रबार राति सेभिया र इन्टर मिलान भिड्दै छन्। फाइनल खेल राति १२ः४५ मा सुरु हुनेछ।
सेभियाका विंगर लुकास ओकाम्पस र इन्टरका फरवार्ड एलेक्सिस सान्चेस दुवै चोट बोकेका कारण आजको खेलमा मैदान उत्रिने सम्भावना कम छ।
युरोपियन प्रतियोगितामा सेभिया र इन्टर पहिलोपटक आमनेसामने हुनलागेका हुन्। इन्टरले पाँच पटकको उपाधि विजेता सेभियासँग भिड्न लागेको हो।
इन्टर १९९९ पछि फाइनल पुगेको हो। इन्टरले ९ वर्षयता कुनै उपाधि जित्नसकेको छैन। सन् २०१६ मा उपाधि उचालेको सेभियाले यो सिजन उत्कृष्ट प्रदर्शन गरिरहेको छ।
प्रतिक्रिया