युनिकोड
नेपाली राष्ट्रिय क्रिकेट टोलीले अस्ट्रेलियन टप एन्ड टी-२० सिरिजमा खेल्ने खेलको तालिका सार्वजनिक भएको छ। सार्वजनिक टोलीमा नेपालसहित चार राष्ट्रका टोली र अस्ट्रेलियन बिग ब्यास लिगका एकेडेमी खेलाडी समावेश छन्। सिरिजमा नेपालले ६ खेल खेल्नेछ।
सिरिजमा नेपाल, पाकिस्तान शाहीन्स, बंगलादेश ‘ए’ र अमेरिकाको शिकागो किङ्समेन, अस्ट्रेलियाका पाँच बिग ब्यास एकेडेमी टोलीहरू होबार्ट हुरिकेन्स, पर्थ स्कोर्चर्स, एडिलेड स्ट्राइकर्स, मेलबर्न स्टार्स, मेलबर्न रेनेगेड्स, साथै एसीटी कोमेट्स र स्थानीय एनटी स्ट्राइक टोली सहभागी हुनेछन्।
तालिकाअनुसार नेपालले आफ्नो पहिलो खेल १५ अगस्टमा नर्दन टेरिटोरी स्ट्राइकसँग खेल्नेछ भने दोस्रो खेल १६ अगस्टमा बंगलादेश ए विरुद्ध खेल्नेछ। नेपालले आफ्नो तेस्रो खेल १८ अगस्टमा मेलबर्न स्टार्सविरुद्ध खेल्नेछ। त्यस्तै चौथो खेल १९ अगस्टमा होबार्ट हुरिकेन्सविरुद्ध, पाँचौँ खेल २० अगस्टमा मेलबर्न रेनेगेड्सविरुद्ध र अन्तिम तथा छैटौँ खेल २२ अगस्टमा पाकिस्तान साहीन्सविरुद्ध खेल्नेछ।
लिग चरणमा शीर्ष ४ मा पुग्ने टिम सेमिफाइनल खेल्नेछन्। यीमध्ये दुई बिजेता फाइनल खेल्नेछन्। नेपालले यो प्रतियोगिता आउँदो अक्टोबरमा हुने आईसीसी टी–२० विश्वकप एसिया तथा इस्ट एसिया प्यासिफिक छनोटको तयारीका लागि खेल्न लागेको हो।
प्रतिक्रिया