युनिकोड
काठमाडौँमा जारी नेपाल प्रिमियर लिग (एनपीएल) अन्तर्गत आज (मंगलबार) पनि दुई खेल हुँदै छन्।
कीर्तिपुरस्थित त्रिवि क्रिकेट मैदानमा बिहान ९ बजे सुरु हुने आजको पहिलो खेलमा विराटनगर किंग्स र सुदूरपश्चिम रोयल्स भिड्दै छन्।
सुदूरपश्चिमले एनपीएल यात्रा सुरु गर्न लागेको हो भने पहिलो खेलमा जनकपुरसँग ८ विकेटले पराजित विराटनगर भने पहिलो जितको खोजीमा मैदान उत्रिँदै छ।
यस्तै दिउँसो १ बजे सुरु हुने आजको दोस्रो खेलमा चितवन राइनोज र पोखरा एभेन्जर्स प्रतिस्पर्धा गर्दै छन्।
पोखराले एनपीएलमा पहिलो खेल खेल्न लागेको हो भने चितवन लगातार दोस्रो जितको खोजीमा मैदान उत्रिन लागेको हो।
यसअघि सोमबार मात्र चितवनले काठमाडौँ गुर्खाजलाई ५ विकेटले हराएको हो। सोमबारको दोस्रो खेलमा जनकपुरले कर्णाली याक्सलाई ८ विकेटले हराएको थियो।
प्रतिक्रिया