महिला साफ च्याम्पियन्सिपमा आज भारत र पाकिस्तानबीच प्रतिस्पर्धा हुँदै

काठमाडौंमा जारी महिला साफ च्याम्पियन्सिपमा बुधबार भारत र पाकिस्तानबीचको खेल हुँदै छ।

दशरथ रंगशालामा हुने खेल दिउँसो १ बजे सुरु हुनेछ। 

पाकिस्तानको महिला टोलीले आठ वर्षपछि अन्तर्राष्ट्रिय फुटबल खेल्न लागेको हो। 

त्यस्तै आजको अर्का खेलमा बंगलादेश र माल्दिभ्सबीच पनि प्रतिस्पर्धा हुनेछ।

उनीहरुबीचको खेल साँझ साढे ५ बजे सुरु हुनेछ।