युनिकोड
कञ्चनपुरको दोधारा चाँदनीमा मोटरसाइकल दुर्घटना हुँदा एक जनाको मृत्यु भएको छ भने अर्का गम्भीर घाइते भएका छन्।
मृत्यु हुनेमा दोधारा चाँदनी नगरपालिका–६ का तारा थापा रहेका छन्। आइतबार दिउँसो दोधारा चाँदनी नगरपालिका–७ कञ्जभोजस्थित पक्की पुल नजिक मोटरसाइकल दुर्घटना भएको जिल्ला प्रहरी कार्यालय कञ्चनपुरका डीएसपी सागर बोहराले बताए।
उनका अनुसार मोटरसाइकल अनियन्त्रित भएर सडक छेउको पोलमा ठोक्किएको थियो। यूके ०३ ए १४६२ नम्बरको मोटरसाइकलमा सवार थापाको दोधारा चाँदनी अस्पतालमा मृत्यु भएको प्रहरीले जनाएको छ।
मोटरसाइकल चालक दोधारा चाँदनी–७ का सत्यम ठाकुर गम्भीर घाइते भएका छन्। उनलाई उपचारका लागि भारतको खटिमा लगिएको छ। उनको टाउको र मुखमा गम्भीर चोट लागेको प्रहरीले जनाएको छ।
प्रतिक्रिया