युनिकोड
गुल्मीमा आगलागीमा परेर एक युवतीको मृत्यु भएको छ।
धुर्कोट गाउँपालिका-५ बस्तु अमराई निवासी २५ वर्षीया जुना बिकको आज बिहान आगोले जलेर मृत्यु भएको हो।
जिल्ला प्रहरी कार्यालय गुल्मीका डीएसपी गंगाबहादुर सारुले दिएको जानकारी अनुसार परिवारका सदस्यले उनको मानसिक अवस्था कमजोर रहेको बताएका छन्।
उनले आफैँले शरीरमा घरमा आगो लगाएको हुन सक्ने आशंका प्रहरीले गरेको छ। आगलागीबाट घरमा पनि क्षति पुगेको छ। झण्डै तीन लाखभन्दा बढीको क्षति भएको अनुमान प्रहरीले गरेको छ।
‘उनले आफैँले आगो लगाएकी हुन् कि अन्य ढंगले भएको आगलागीमा उनको मृत्यु भएको हो, हामी अनुसन्धानमै छौँ,’ डीएसपी सारुले नेपालखबरसँग भने, ‘शव पोस्टमार्टमका लागि जिल्ला अस्पताल लगिएको छ।’
स्थानीयवासी र प्रहरीले आगो नियन्त्रणमा लिएका थिए।
प्रतिक्रिया