चिकित्सकहरुले ट्रम्पमा कोरोनाविरुद्धको उपचारको प्रक्रिया पुरा भएको बताउँदै उनले चाँडै सार्वजनिक कार्यक्रममा सहभागी हुनसक्ने जनाए।
उपचारमा संलग्न डाक्टर सिन कोनलीका अनुसार उपचारका कारण ट्रम्पले धेरै राम्रो महसुस गरिरहेका छन् र उनको अवस्था स्थिर छ।
ट्रम्पले पनि हालै आफू चुनावी अभियानका लागि तयार भएको बताएका थिए। शुक्रबार नै ट्रम्पले अर्को कोरोना परीक्षण गराउने पनि जनाइएको छ।
ट्रम्प गतहप्ता कोरोना संक्रमित बनेका थिए। चारदिन अस्पतालको बसाईपछि ट्रम्प सोमबार ह्वाइट हाउस फर्केका थिए।
ह्वाइट हाउसमा रहँदा पनि उनी कोरोना पोजिटिभ नै छन्। यद्यपी आफू पुरै स्वस्थ भएको ट्रम्प बताउँछन्। एजेन्सी
प्रतिक्रिया