युनिकोड
काठमाडौँ उपत्यकामा पछिल्लो २४ घण्टामा थप १३९ जनामा कोरोना भाइरसको संक्रमण पुष्टि भएको छ।
बुधबार स्वास्थ्य तथा जनसंख्या मन्त्रालयको नियमित प्रेस ब्रिफिङमा मन्त्रालयका प्रवक्ता प्राडा जागेश्वर गौतमले उपत्यकामा १३९ जनामा कोरोना भाइरस पुष्टि भएको बताए।
प्रवक्ता गौतमका अनुसार काठमाडौँका १०९, ललितपुरका २१ र भक्तपुरका ९ जनामा कोरोना पुष्टि भएको हो।
योसँगै नेपालमा पछिल्लो २४ घण्टामा ४८४ जनामा कोरोना पुष्टि भएको छ।
प्रवक्ता गौतमका अनुसार नेपालमा अहिले सक्रिय संक्रमितको संख्या ७ हजार ६१३ रहेको छ।
पछिल्लो २४ घण्टामा १० हजार ४८१ जनाको पीसीआर परषिण गरिएको थियो।
त्यस्तै पछिल्लो २४ घण्टामा थप ६७ जना कोरोना संक्रमित उपचारपछि निको भएर घर फर्केका छन्। योसँगै नेपालमा कोरोना संक्रमणबाट मुक्त हुनेको संख्या १६ हजार ७२८ पुगेको छ।
प्रतिक्रिया