युनिकोड
काठमाडौँमा अहिले बिहान वर्षाको सम्भावना देखिएको मौसमविद्ले बताएका छन्।
मौसम पूर्वानुमान महाशाखाका मौसमविद् बिनु महर्जनका अनुसार अहिले काठमाडौँ उपत्यकाको आकाशमा साधारणतया बादल लागेको छ।
‘पश्चिमतिरबाट एउटा प्रणाली पूर्वतर्फ आउँदै छ तर त्यसले काठमाडौँ उपत्यकामा कतिको असर पार्छ भन्ने हो’, उनले नेपालखबरसँग भनिन्, ‘यद्यपि अहिले बिहान हल्कादेखि मध्यमसम्म वर्षाको सम्भावना देखिएको छ।’
तर केही समयपछि बिस्तारै बादल घटेर दिउँसोतिर घाम लाग्ने सम्भावना छ।
‘अनि फेरि साँझपख वा रातितिर हल्कादेखि मध्यम वर्षाको सम्भावना देखिएको छ’, मौसमविद् महर्जनले भनिन्।
देशभरको मौसमबारे भने मौसम महाशाखाले अहिले बिहान ८ बजे अद्यावधिक विस्तृत बुलेटिन जारी गर्नेछ।
प्रतिक्रिया