अमेरिकामा प्रहरीद्वारा हत्या गरिएका जोर्ज फ्लोइडमा कोरोना भाइरसको संक्रमण

गत मे २५ मा मिनिसोटाको मिनियापोलिसमा प्रहरीले हथकडी लगाएकै अवस्थामा जोर्जको घाँटीमा घुँडाले झन्डै ९ मिनेट थिचेका थिए।

सोही क्रममा उनको निधन भएको थियो। हाल फ्लोएडको हत्या विरोधमा अमेरिकाभर रंगभेदविरुद्ध आन्दोलन चर्किएको छ। हिंस्रक प्रदर्शनकहरु भइरहेका छन्।

फ्लोइडको परिवारलाई स्वीकृति लिएर सार्वजनिक गरिएको मेडिकल रिपोर्टमा उनमा कोरोना संक्रमण भएको देखिएको एनबीसी न्युजले बताएको छ।

गत अप्रिल ३ मा पनि फ्लोइडमा कोरोना देखिएको अमेरिकी संचारमाध्यमले जनाएका छन्।

हाल फ्लोइड हत्यामा संलग्न चारै प्रहरीलाई बर्खास्त गरिएको छ। उनीहरुमाथि हत्या अभियोग लगाइएको छ।

यो पनि: ‘हथकडी लगाइएका फ्लोएडले सास फेर्न गाह्रो भो भनेका थिए, प्रहरीले घाँटी थिचिरहे’