युनिकोड
राजपुर बम काण्डका कारण हाल कारागारमा रहेका अफताव आलमका भाइ पक्रिन जाँदा अवरोध भएपछि रौतहट प्रहरीले १२ राउन्ड हवाई फायर गरेको छ।
२०६४ सालमा राजपुरमा भएको बम विस्फोटमा अफतावका भाइ मेहेताब आलम पनि एक मुख्य अभियुक्त भएको प्रहरीको दाबी छ।
उनी राजपुरस्थित उनकै घरमा रहेको सूचना पाएर बिहीबार राति प्रहरी टोली पुग्दा स्थानीयले अवरोध गरेपछि बाध्य भएर १२ राउन्ड हवाई फायर गर्नुपरेकाे रौतहट जिल्ला प्रहरी कार्यालयका प्रमुख एसपी रविराज खड्काले जानकारी दिए।
तर उनी घरमा फेला नपरेको प्रहरीले जनाएको छ।
रौतहट क्षेत्र नम्बर-२ का सांसद तथा पूर्वमन्त्री आफतावका भाइ मेहेताब हाल फरार छन्।
२०६४ चैत २७ मा भएको घटनामा उनका दाइ सांसद अफताब आलम असोज २६ मा पक्राउ परेका थिए।
प्रतिक्रिया