युनिकोड
विभिन्न जिल्लामा भएका आगलागीका घटनामा लाखौँको क्षति भएको छ।
रौतहट, धनकुटा, सुर्खेत, बारा, ललितपुर, बाँके लगायतका जिल्लामा आगलागीका घटना भएका प्रहरीले जनाएको छ।
रौतहटको गरूडा नगरपालिका-५ महम्मदपुर बस्ने बिसुन दयाल राय यादवको गोठमा आगलागी हुँदा करिब ५ लाख रूपैयाँ बराबरको धनमाल जलेर नष्ट भएको छ।
त्यसैगरी रौतहटकै परोहा नगरपालिका-८ बस्ने सरोज पटेलको भान्साघरमा आगलागी हुँदा भान्साघर पूर्णरूपमा जलेर नष्ट हुँदा करिब १ लाख २० हजार रूपैयाँ बराबरको धनमाल नष्ट भएको प्रहरीले जनाएको छ।
त्यसैगसिर धनकुटाको सहिदभूमि गाउँपालिका-३ बस्ने कमल राईको घरमा विद्युत सर्ट भई गए राति आगलागी हुँदा घर पूर्णरूपमा जलेर नष्ट भएको छ।
आगलागीबाट करिब १० लाख ६ हजार रूपैयाँ बराबरको क्षति भएको छ।
त्यसैगरि सुर्खेतको गुर्भाकोट नगरपालिका-९ बोटेचौर बस्ने गिताराम थापाको शिवशक्ति सोलार तथा आयल मिलको स्टोर कोठामा पनि आगलागी भएको छ।
विद्युत सर्ट भई गएराति आगलागी हुँदा करिब ३ लाख ५० हजार रूपैयाँ बराबरको धनमाल जलेर नष्ट भएको प्रहरीले जनाएको छ।
त्यसैगरि बाराको कोल्हवी नगरपालिका-५ बोधवन बस्ने दिपक बरालको गोठमा विद्युत सर्ट भई आगलागी हुँदा घर पूर्णरूपमा जलेर नष्ट भएको छ।
आगलागीबाट करिब १ लाख ५० हजार रूपैयाँ बराबरको धनमाल नष्ट भएको छ।
त्यसैगरि ललितपुरको गोदावरी नगरपालिका-१० डाँडागाउँ बस्ने अन्जना दुलालको गोठमा पनि आगलागी भएको छ।
मंगलबार दिउँसो भएको आगलागी घटनामा करिब ५ लाख ६४ हजार रूपैयाँ बराबरको धनमाल जलेर नष्ट भएको प्रहरीले जनाएको छ।
त्यसैगरि बाँकेको जानकी गाउँपालिका-२ रटैयाटोल बस्ने मञ्जु बुढाको घरमा पनि आगलागी भएको छ।
मंगलबार दिउँसो आगलागी हुँदा करिब १ लाख ४९ हजार ५ सय रूपैयाँ बराबरको धनमाल जलेर नष्ट भएको प्रहरीले जनाएको छ।
यी सबै आगलागी स्थानीय बासिन्दा र कमकलको सहयोगमा नियन्त्रणमा लिइएको प्रहरीको भनाई छ।
यी आगलागीका घटनामा थप अनुसन्धान जारी रहेको प्रहरीले जनाएको छ।
प्रतिक्रिया