युनिकोड
पर्साको वीरगञ्जमा हनुमान जयन्तीको शोभायात्रा निकाल्ने क्रममा दुई समुदायबीच भएको विवाद बढ्दै गएपछि कर्फ्यु लगाउने तयारी भएको छ।
पर्साका प्रमुख जिल्ला अधिकारी गणेश अर्यालले साँझ ७ बजेदेखि कर्फू लगाउने तयारी गरेको नेपालखबरलाई जानकारी दिए।
उनले भने, ‘यहाँको अवस्था तनावपूर्ण छ। साँझ ७ बजेदेखि कर्फ्यु लगाउने तयारीमा गरिरहेका छौं।’
शनिबार दिउँसो ५ बजेतिर शोभायात्रामा निस्केको समूहमाथि वीरगञ्जको श्रीराम हलस्थित जामा मस्जिदबाट एक्कासी ढुंगा प्रहार गरेकोले दुवै पक्षबीच झडप सिर्जना भएको थियो।
प्रहरीका अनुसार झडपमा मोटरसाइकल र पसलको फ्रिज बाहिर निकालेर आगजनी भएको थियो।
झडप नियन्त्रण गर्न प्रहरीले ५ सेल अश्रुग्यास प्रहार गरेको थियो। त्यस्तै प्रहरीले पानीको फोहरा हानी भीड तितर वितर पारेकोबताएको थियो।
झडपमा ८ जना घाईते भएको र ३ जनालाई उपचारको लागि नारायणी क्षेत्रीय अस्पताल लगिएको प्रहरीले जनाएको छ।
प्रतिक्रिया