प्रकृति लम्सालको मृत्यु प्रकरणमा तरुण दलद्वारा दु:ख व्यक्त

नेपाल तरुण दलका अध्यक्ष विद्वान गुरुङले भारतको कलिङ्गा ईन्स्टिच्युट अफ इन्डस्ट्रीयल टेक्नोलोजी (केआईआईटी)मा नेपाली विद्यार्थी प्रकृति लम्सालको असामयिक निधनप्रति दु:व्यक्त गरेका छन्।  

मंगलबार अध्यक्ष गुरुङले विज्ञप्ति जारी गरेर असामान्य परिस्थितिका कारण नेपाली विद्यार्थी प्रकृति लम्सालको निधनप्रति दु:व्यक्त गरेका हुन्।   
आइतबार नेपाली विद्यार्थी लम्सालको निधनप्रति केआईआईटीको क्याम्पस प्रशासन र होस्टेलको वातावरण तनावग्रस्त बनेको छ। क्याम्पस प्रशासनले नेपाली विद्यार्थीलाई जबर्जस्ती निकाला गरेको थियो। सरकारले कूटनीतिक पहलमार्फत विद्यार्थीको सुरक्षाको माग गरेपछि निकालिएक विद्यार्थीलाई फर्किन आग्रह गरिएको छ। तर विद्यार्थीहरू फर्किएका छैनन्।