फोहोर गरेको भन्दै ईसीआई नेपाललाई काठमाडौं महानगरले तिरायो ५० हजार जरिवाना

जागरण सभा राखेर फोहोर गरेको भन्दै सत्तारूढ दल नेकपा एमालेलाई एक लाख जरिवाना तिर्न बिल पठाएको काठमाडौँ महानगरपालिकाले ईसीआई नेपाललाई पनि ५० हजार तिराएको छ।

वडा नम्बर २६ नयाँ बजार अनुगमन गर्दा फोहोर देखिएकोले नियमित सरसफाइ गर्न श्री ईसीआई नेपाललाई महानगर प्रहरी बलले  ५० हजार जरिवाना गराएको हो।

महानगरले पछिल्लो साउनयता  जरिवानाबापत ७ लाख बढी जरिवाना तिराएको छ। 

महानगरमा विभिन्न कार्यक्रम राखेर फोहोर गर्ने र सरसफाइ नगर्ने निकाय तथा कम्पनीलाई जरिवाना गर्दै आएको छ ।