महराको बयान दशैँपछि मात्र

संसद सचिवालयकी एक कर्मचारीलाई बलात्कार प्रयास गरेको आरोपमा पक्राउ परेका निवर्तमान सभामुख कृष्ण्बहादुर महराको बयान दशैँपछि मात्र हुने भएको छ।

अहिले दशैँ विदाको समय परेकाले विदा खुलेपछि मात्रै बयान लिइने छ। अदालत र सरकारी वकिलको कार्यालय खुलेपछि मात्रै महराको बयान सुरु हुने काठमाडौं प्रहरी परिसर, टेकुले जनाएको छ।

अदालतको दशैँ विदा २६ गतेसम्म छ। तर पूर्वप्रधानन्यायाधीश केशवप्रसाद उपाध्यायको निधनको शोकमा २७ गते पनि अदालतमा विदा दिइएको छ।

अर्को सोमबार अदालत तथा सरकारी वकिलको कार्यालय खुलेपछि अदालतमा हाजिर लगाउने, बयान लिने काम सुरु हुनेछ। घटनाको मुद्दा भने काठमाडौं प्रहरी परिसर, टेकुबाट चल्नेछ।