युनिकोड
गृहमन्त्री रामबहादुर थापा सवार हेलिकोप्टर रामेछापमा आकस्मिक अवतरण गरिएको छ।
सोमबार काठमाडौँबाट जनकपुरका लागि उडेको सो हेलिकोप्टर खराब मौसमका कारण रामेछापको मन्थली विमानस्थलमा आकस्मिक अवतरण गरिएको हो।
‘जनकपुर जानका लागि हिँडेका थियौँ, मौसमका खराबीका कारण मन्थली विमानस्थलमा आकस्मिक अवतरण गरेका हौँ’, गृहमन्त्रीका सल्लाहकार सूर्य पथिकले नेपालखबरसँग कुरा गर्दै भने, ‘अहिले हामी काठमाडौँ फर्किसक्यौँ।’
जनकपुरमा आयोजित कार्यक्रममा सहभागी हुन गृहमन्त्री थापा पाली सेनाको एनए–०५६ नम्बरको हेलिकप्टरमार्फत त्यसतर्फ जान लागेका थिए।
हेलिकप्टरमा गृहमन्त्रीका साथमा गृहसचिव प्रेमकुमार राई र उच्च सुरक्षा अधिकारीहरु समेत रहेको सल्लाहकार पथिकले जानकारी दिए।
प्रतिक्रिया