६ किलो सुनसहित पक्राउ परेका गुप्ताको ७३ लाख रकम जफत हुने फैसला

विशेष अदालतले ६ किलो सुनसहित पक्राउ परेका व्यापारी बलरामप्रसाद गुप्ताको ७३ लाख ३० हजार ५ सय रूपैयाँ जफत हुने फैसला गरेको छ।

आज (मंगलबार) न्यायाधीशत्रय हेमन्त रावल, डिल्लीरत्न श्रेष्ठ र उमेश कोइरालाको संयुक्त इजलासले  स्रोत खुलाउन नसकेको भन्दै सो रकम जफत गरेको हो।

सो रकमको स्रोत प्रमाणित हुन नसकेको भन्दै सो रकम सम्पत्ति शुद्धीकरण ऐनअनुसार जफत हुने अदालतले ठहर गरेको हो।

यसअघि ६ किलो सुनको हकमा अदालतले चोरी पैठारी कसूरमा दोषी ठहर गरिसकेको छ।