युनिकोड
प्रचण्ड–नेपाल पक्षका केन्द्रीय सदस्य विष्णु रिजालले दुई समूहमा विभाजित नेपाल कम्युनिस्ट पार्टी (नेकपा) पुनः एकताका लागि आह्वान गरेका छन्।
सर्वाेच्च अदालतले संसद् पुनर्स्थापना गरेको भोलिपल्ट आज बुधबार बिहान तीनवटा ट्विट गर्दै नेता रिजालले एकताका लागि आआफ्ना ठाउँबाट सोच्ने र योगदान गर्ने बेला आएको उल्लेख गरेका हुन्।
‘कालो बादलमा पनि चाँदीको घेरा हुन्छ। सर्वोच्च अदालतको फैसला र निर्वाचन आयोगको अलमलले नेकपाका नेताहरूलाई फेरि एकपटक ठण्डा दिमागले सोच्ने मौका दिएको छ,’ उनले लेखेका छन्, ‘धेरै बिग्रिए पनि अन्तिम पटाक्षेप हुन बॉकी नै भएकाले एकताका लागि आआफ्नो ठाउँबाट सोच्ने र योगदान गर्ने बेला आएको छ।’
प्रतिक्रिया