भारतबाट प्रचण्डले भने- २४ गतेको विध्वंश असली जेनजीको हातबाट भएको थिएन, ठूलो डिजाइनमा भएको हो

नेपाली कम्युनिस्ट पार्टी (नेकपा)का संयोजक पुष्पकमल दाहाल ‘प्रचण्ड’ले भदौ २४ गतेको विध्वंश असली जेनजीको हातबाट नभएको दाबी गरेका छन्। 

सोमबार नेपाली समाज भारतले नयाँ दिल्लीमा आयोजना गरेको ‘एकता सन्देश सभा’ कार्यक्रमलाई सम्बोधन गर्दै उनले त्यो ठूलो डिजाइनमा गरिएको दाबी समेत गरे।

‘त्यतिबेला निकै ठलो आतंक र सन्त्रास नेपालीहरुको मन थियो, राज्यबिहीनता जस्तो,’ प्रचण्डले भने, ‘जसरी लुटपाट, आगजनी र विध्वंश मच्चियो २४ गते त्यो असली जेनजीको हातबाट भएको थिएन। त्यो निकै ठूलो डिजाइनमा, निकै ठूलो घुसपैठका साथ लामो तयारीका साथ भएको थियो।’