पुराना दललाई चुनावमा भाग लिन नदिने र मुद्दा लगाइदिने धम्की दिने पात्रको सरकारले संरक्षण गरिरहेको छः ओली

नेकपा एमालेका अध्यक्ष केपी शर्मा ओलीले सरकारले पुराना दललाई चुनावमा भाग लिन नदिने र जिते परिणाम खारेज गर्ने धम्की पात्रको संरक्षण गरिरहेको आरोप लगाएका छन्। 

बुधबार ललितपुरमा सुरु भएको एमाले केन्द्रीय कमिटी बैठकमा प्रतिवेदन पेस गर्दै उनले यस्तो आरोप लगाएका हुन्। ‘सरकारको आडमा बसेर पुराना राजनीतिक दलहरूलाई बाहिर निस्कने नदिने, चुनावमा भाग लिन नदिने, मुद्दा लगाइदिने, जिते पनि परिणाम खारेज गर्ने जस्ता उत्तेजक र निषेधकारी धम्की दिने विभिन्न विवादास्पद पात्रहरूलाई संरक्षण र दुरुत्साहन गरिरहेको छ,’ प्रतिवेदनमा भनिएको छ। 

नेताहरूको राहदानी रद्ध गर्ने र उनीहरुलाई काठमाडौँ छोड्न नदिने जस्ता सरकारकार निर्णय चुनावको वातावरण बनाउनेतिर उन्मुख नरहेको ओलीको निकर्ष छ।

‘राजनीतिक पार्टीका नेताहरूको राहदानी र गर्ने, उनीहरूलाई स्थान हंद गर्ने, सभा, जुलुस, स्याली जस्ता कार्यक्रमहरूलाई नियन्त्रण गर्ने र अभिव्यक्ति स्वतन्त्रतामा रोक लगाउने सरकारको गतिविधि निर्वाचनको वातावरण बनाउनेतिर उन्मुख छैनन्, निषेध र भिडन्ततिर उन्मुख छन्,’ प्रतिवेदनमा भनिएको छ, ‘यस सरकारले चुनाव भन्छ तर चुनावको वातावरण बनाउँदैन, चुनाव हुन दिँदैन भन्ने स्पष्ट छ।’

चुनावका लागि राजनीतिक दलहरूसँग संवाद समेत नगरेको ओलीको आरोप छ।