युनिकोड
संसद्मा देखिएको गतिरोधलगायत विषयमा प्रधानमन्त्री केपी शर्मा ओलीको आह्वानमा बसेको प्रमुख दलका शीर्ष नेताहरुको छलफल जारी रहेको छ।
साथमा गृहमन्त्री रमेश लेखक, नेपाली कांग्रेसका उपसभापति पूर्णबहादुर खड्का, कृष्णप्रसाद सिटौला, महेन्द्रराय यादव, देव गुरुङ, हितराज पाण्डे पनि उपस्थित छन्।
भिजिट भिसा प्रकरणमा मुछिएका गृहमन्त्री लेखकले राजीनामा दिएर छानबिनका लागि तयार हुनुपर्ने प्रमुख विपक्षी दल माओवादी केन्द्रसहितका विपक्षी दलको माग छ। उनीहरुले यसै विषयलाई लिएर संसद् अवरोध समेत गर्दै आएका छन्।
अवरोध हटाउने प्रयासका लागि प्रधानमन्त्री ओलीले गृहमन्त्री लेखकसहितका नेताहरुसहित छलफल आयोजना गरेका हुन्।
माओवादी केन्द्र लगायतका विपक्षी दलहरू गृहमन्त्रीले राजीनामा दिनुपर्ने अडानमा छन् भने प्रधानमन्त्री ओलीले संसद्को अवरोध अब सहन नसकिने बताएका छन्।
प्रतिक्रिया