युनिकोड
परराष्ट्रमन्त्री डा आरजु राणा देउवाले आज सिन्धुपाल्चोकको तातोपानी नाका र त्यहाँको भन्सार कार्यालयको निरीक्षण गरी थप व्यवस्थित गर्न निर्देशन दिएकी छन्। वार्षिक रु २० अर्बभन्दा बढी राजस्व उठ्ने नेपाल चीन व्यापारिक नाकाका रुपमा रहेको यस नाका तथा भन्सार कार्यालयको निरीक्षण गरी यस्तो निर्देशन दिएकी हुन्।
यसका लागि नेपाल सरकारले पनि आवश्यक पहल गर्ने मन्त्री राणाले पर्यटन प्रवर्धनका हिसाबले पनि नाका महत्वपूर्ण रहेको र यहाँबाट चीनको धार्मिक पर्यटकीय स्थल मानसरोबरका जान सकिने भएकोले व्यवस्थित बनाउन उनले जोड दिइन्।
मन्त्री डा राणाले अन्तर्राष्ट्रिय व्यापारिक मार्ग काठमाडौँ कोदारी राजमार्गका साथै यस तातोपानी नाकासँग जोडिएका अन्य सडकहरुको पनि स्तरोन्नति गर्न नेपाल सरकारले आवश्यक पहल गर्ने सो अवसरमा बताए।
यस विषयमा उनले सिन्धुपाल्चोकका सांसद, स्थानीय जनप्रतिनिधि र अन्य सरोकारवालाहरूसँग जानकारी लिई स्तरोन्नतिका लागि आवश्यक परामर्श पनि गरिन्।
प्रतिक्रिया