युनिकोड
राष्ट्रियसभामा नेकपा (माओवादी केन्द्र) का सांसद मायाप्रसाद शर्माले सरकार बहुमतको ट्याब्लेट खाएर निदाइरहेको आरोप लगाएका छन्।
राष्ट्रियसभाको आइतबारको बैठकमा बोल्दै उनले आफूसहितका धेरै सांसदहरले बारम्बार संसद्मा जाजरकोटको भूकम्पबाट भएको क्षति र त्यसको पुनःनिर्माणबारे ध्यानाकर्षण गराए पनि सरकारले अहिलेसम्म पुनःनिर्माण गर्न,पीडितलाई सुरक्षित बासस्थानमा सार्न नसकेको भन्दै यस्तो बताएका हुन्।
‘विशेष गरेर धेरै पटक यो संसदमा उठाइसकेको, उठिसकेको र अहिले झन्डै दुई तिहाईको नजिक रहेको सरकार यो बहुमतको ट्याब्लेट खाएर निदाइरहेको स्थिति छ,' उनले भने, 'सदनमा धेरै पटक भूकम्पका विषयमा कुरा उठिरहेको छ । सरकारले सच्याउने मेहनत गर्दैन। विगत कात्तिक १७ गते राति जाजरकोटको रामिडाँडा केन्द्रबिन्दु भएर गएको ६.४ म्याग्निच्युडको भूकम्पका कारण जाजरकोटमा ४८ हजार ५ सय १६, रुकुम (पश्चिम) मा ३४ हजार ९९७, सल्यानमा ४ हजार ४०७ घरमा क्षति पुगेको स्थिति छ।’
उनले भूकम्पपीडितले पाउने दोस्रो किस्ताको रकम वितरण नभएको भन्दै ध्यानाकर्षण पनि गराए।
प्रतिक्रिया