युनिकोड
नेकपा एमालेका नेता भीम रावलले सुदूरपश्चिम प्रदेश कमिटी, अछाम र कैलाली जिल्ला कमिटीका सदस्यलाई तानाशाही शैलीमा स्पष्टीकरण मागिएको र धम्क्याइएको आरोप लगाएका छन्।
विवादित व्यवसायी मीनबहादुर गुरुङले केन्द्रीय कार्यालय बनाउन जग्गा दान गरेको विषयमा विरोध गर्दा रावलसहित तीन नेतालाई एमालेले स्पष्टीकरण मागेको थियो। त्यसको भोलिपल्ट कात्तिक ५ गते रावलको गृहजिल्ला अछाममा उनीनिकट कार्यकर्ताले अध्यक्ष केपी शर्मा ओलीको निर्णयविरुद्ध नाराबाजी गरेका थिए।
यसैबीच नेता रावलले सोमबार बिहान सामाजिक सञ्जालमा लेखेका छन्, ‘एमालेको जबज, परम्परा र संवैधानिक हकविपरीत कुनै बैठक र छलफल नगरी पदको दुरुपयोग गर्दै सु.प. प्रदेश कमिटी, अछाम र कैलाली जिल्ला कमिटीका सदस्यहरूलाई तानाशाही शैलीमा स्पष्टीकरण सोध्ने र धम्क्याउने गलत कार्यको सबै न्याय प्रेमी, इमानदार र सिद्धान्तनिष्ठ व्यक्तिहरूले विरोध र प्रतिवाद गरौँ।’
प्रतिक्रिया