अदालतमा महरामाथिको थुनछेक बहस सुरु

बलात्कार प्रयासको अभियोगमा पक्राउ परेका निवर्तमान सभामुख कृष्णबहादुर महराको थुनछेक बहस सुरु भएको छ। शुक्रबार काठमाडौंको बबरमहलस्थित काठमाडौं जिल्ला अदालतमा निवर्तमान सभामुख महराको थुनछेक बहस सुरु भएको हो।

महरामाथि संसद् सचिवालयकी एक महिला कर्मचारीमाथि बलात्कार गर्न खाेजेकाे आरोप लागेकाे थियाे। साे लगत्तै महरा पक्राउ परेका थिए।

उनलाई सरकारी वकिलको कार्यालय काठमाडौंले बिहीबार बलात्कार प्रयास गरेको अभियोगमा काठमाडौं जिल्ला अदालतमा मुद्दा दायर गरेको थियो। अहिले जिल्ला अदालत काठमाडौंमा महरालाई उपस्थित गराएर न्यायाधीश सुदर्शनराज पाण्डेको एकल इजलासमा थुनछेकको बहस सुरु भएको छ ।

थुनछेक बहस सकिएपछि महरा छुट्ने, धरौटीमा रिहा हुने वा पुर्पक्षका लागि कारगार चलान गर्नै अदालतले फैसला गर्नेछ।

भिडियाे हेर्नुहाेस्ः