युनिकोड
धादिङको थाक्रे गाउँपालिकाको अध्यक्षमा नेकपा एमालेका रामकुमार आचार्य निर्वाचित भएका छन्।
उनी १० हजार ३५५ मत ल्याए पुनः गाउँपालिका अध्यक्षमा विजयी भएका हुन्।
उनका निकटतम प्रतिद्वन्द्वी रामप्रसाद बिँडारीले ८ हजार ११६ मत ल्याए। बिँडारी गठबन्धनका तर्फबाट उम्मेदवार थिए।
नेकपा एमालेले यसपटक उपाध्यक्ष पद भने जोगाउन सकेन। पूर्वउपाध्यक्ष अम्बिका रुपाखेतीलाई उठाए पनि यसपालि गठबन्धनका तर्फबाट उठेका माओवादी केन्द्रका यन्त्रबहादुर थापा ९ हजार ४३१ मत ल्याए विजयी भए। रुपाखेतीले भने ९ हजार ९१ मत मात्रै ल्याइन्।
थाक्रेमा वडा १ मा नेकपा एमालेका श्यामसुन्दर थापा (६४१ मत), २ मा माओवादीका टिकाराम तामाङ (१३२३ मत), ३ मा माओवादीकै विजय तामाङ (१३१४), ४ मा माओवादीकै आसाराम तामाङ (८०१), ५ मा एमालेका सन्तबहादुर तामाङ (६७८), ६ मा माओवादीका हिरा बहादुर थापा (८८७), ७ मा एमालेका युवराज खतिवडा (१०२४), ८ मा एकीकृत समाजवादीका प्रेमकुमार थापा (१०३८), ९ मा एमालेका श्यामचन्द्र आचार्य (८८९), १० मा एमालेकै गोकुल प्रसाद लामिछाने (९३३) र ११ मा नेपाली कांग्रेसका सुदर्शन पाण्डे (९५१) वडाध्यक्ष पदमा निर्वाचित भएका छन्।
प्रतिक्रिया