पूर्वी पहाडमा रास्वपा कमजोर

समग्र निर्वाचन परिणाम अनुसार आँधिमय बेगमा अघि बढिरहेको राष्ट्रिय स्वतन्त्र पार्टी (रास्वपा)ले पूर्वी पहाडी  क्षेत्रमा भने राम्रो प्रदर्शन गर्न सकिरहेको छैन।
 
पूर्वी पहाडमा रास्वपाको सबैभन्दा राम्रो ओखलढुङ्गामा देखिएको छ। त्यहाँ रास्वपा दोस्रो स्थानमा छ। दिउँसो ३ः०० बजेसम्मको परिणाम अनुसार त्यहाँ पहिलो स्थानमा रहेका नेपाली कंग्रेसका उम्मेद्वार कुमार लुईँटेलले ७ हजार ४ सय ४ मतका साथ अग्रता लिइरहँदा, दोस्रो स्थानमा पछ्याईरहेका रास्वपाका विश्वराज पोखरेलले ६ हजार २ सय ३ मत प्राप्त गरेका छन्। १ हजार २ सय ३ मतको अन्तर हो।
 
त्यसबाहेक सोलु, खोटाङ, भोजपुर, पाँचथर र  ताप्लेजुङमा रास्वपा पाँचौँ स्थानमा छ। 
तेह्रथुममा नेपाली कंग्रेसका सन्तोष सुब्बा विजयी भइसकेका छन् । त्यहाँ रास्वपाका सुरेन्द्र कार्की ७ हजार ७ सय २३ मतका साथ रास्वपा तेस्रो स्थानमा रहेका छन्। धनकुटामा ६ हजार ९ सय ५६ मतका सात रास्वपाका दिनेस भण्डारी चौथो स्थानमा रहेका छन्।
 
इलामका दुबै क्षेत्रमा रास्वपाका उम्मेद्वार चौथो स्थानमा छ। संखुवासभामा भर्खर मात्रै मत गणना शुरु भएको छ ।