युनिकोड
चितवनको भरतपुर महानगरपालिकाको प्रमुखमा माओवादी केन्द्रकी रेनु दाहालको अग्रता साढे ११ हजार नाघेको छ।
१ लाख १८ हजार ८ सय ८ मत गणना हुँदा रेनुले ४८ हजार १ सय १८ ल्याएकी छन्।
उनलाई नेकपा एमालेका विजय सुवेदीले ३६ हजार ४ सय ३१ मत ल्याएर पछ्याइरहेका छन्।
यस्तै रेनुको विरुद्ध बागी उम्मेदवारी दिएका जगन्नाथ पौडेलले १४ हजार ४ सय ८२ मत ल्याएका छन्।
अहिले वडा नम्बर २६ र २७ को गणना भइरहेको छ। भरतपुरमा २९ वडा छन्। अब दुईवटा वडाको गणना हुन बाँकी छ। निर्वाचन कार्यालय चितवनका अनुसार अब गन्न बाँकी ७ हजार ९ सय ७८ मत बाँकी छ। रेनु जित नजिक छिन्।
सम्भवतः आजै अन्तिम परिणाम आउने सम्भावना रहेको गणनास्थलमा बसेका कर्मचारीले जानकारी दिए।
उपप्रमुखमा गठबन्धनकै चित्रसेन अधिकारीले ४९ हजार मत ल्याएका छन्। एमाले र राप्रपाको गठबन्धनकी उम्मेदवार हिमलाले २८ हजार ४ सय ९८ मत ल्याइन्। वडा २६ को वडाध्यक्ष माओवादीले जितेको छ।
प्रतिक्रिया