युनिकोड
धनुषामा माओवादी केन्द्रले बल्ल खाता खोलेको छ।
धनुषाको सबैलामा नेपाली काँग्रेस र जनता समाजवादी पार्टीको गठबन्धनलाई पराजित गर्दै मेयर र उपमेयरमा नेकपा माओवादी केन्द्रले जित निकालेको हो।
माओवादी केन्द्रबाट मेयरमा कारीराम यादव र उपमेयरमा माओवादीकै रहिमा खातुन निर्वाचित भएका छन्।
मेयरमा निर्वाचित कारीराम माओवादीका स्थायी समिति सदस्य मातृका प्रसाद यादवका कान्छो भाइ हुन्।
कारीराम ४ हजार २११ मत ल्याएर मेयरमा विजयी भएका छन् । उनका निकटतम प्रतिद्वन्द्वी गठबन्धनबा काँग्रेसका उम्मेदवार जगत सुन्दर साह ४ हजार ७६ मत प्राप्त गरेका छन्।
कारीराम १३५ मत अन्तरले विजयी भएका हुन्।
यस्तै उपमेयरमा माओवादी केन्द्रकै रहिमा खातुन ४ हजार ६९९ मत ल्याएर विजयी भएकी छन्। उनका निकटतम प्रतिद्वन्द्वी नेकपा एमालेका किरण कापरले ३ हजार ६०४ मत प्राप्त गरिन्।
जसपाक श्यामनारायण यादव २ हजार ६०७ मत ल्याएर चौथो नम्बरमा सिमित भए।
धनुषाको १८ पालिका मध्ये १६ वटाको अन्तिम नतिजा आइसकेको छ। क्षिरेश्वरनाथ नगरपालिकाको मतगणना जारी छ। त्यहाँ एमाले अगाडी छ।
प्रतिक्रिया