युनिकोड
नेकपा माओवादी केन्द्रका वरिष्ठ नेता नारायणकाजी श्रेष्ठले गोरखाका ८ स्थानीय तह जिताए पनि आफ्नै निर्वाचन क्षेत्रमा भने पराजित भएका छन्।
श्रेष्ठको निर्वाचन क्षेत्र र गृहपालिका रहेका सिरानचोक गाउँपालिकामा नेपाली कांग्रेस विजयी भएको हो।
केहीबेरअघि सार्वजनिक अन्तिम मतपरिणाम अनुसार कांग्रेसका ज्ञानेन्द्र गुरुङ ५ हजार ४ सय ३ मत ल्याएर विजयी हुँदा नेकपा माओवादी केन्द्रका नवराज पुडासैनीले ४ हजार १ सय ६८ मत ल्याए।
यस्तै, उपाध्यक्षमा पनि कांग्रेसकै रिता देवकोटा ४ हजार ८ सय ४ मत ल्याएर विजयी हुँदा माओवादी केन्द्रकी पूर्णकुमारी ढकाल ३ हजार ९ सय २ मत ल्याएर पराजित भइन्।
गोरखामा २०७४ को स्थानीय तह निर्वाचनमा कांग्रेस एक्लैले ७ पालिका जितेको थियो। तर, यसपटक माओवादी केन्द्रले ८ पालिका जितेर कांग्रेसलाई पछि पारेको छ।
प्रतिक्रिया