सर्लाहीको लालबन्दी नगरपालिकामा नेपाली काँग्रेस विजयी भएको छ। एमाले उम्मेदवारलाई पराजित गर्दै कांग्रेसका वासुदेव अधिकारी मेयरमा विजयी भएका हुन्।
लालबन्दीमा नेकपा माओवादी केन्द्र र नेकपा एकीकृत समाजवादीले गठबन्धन गरेका थिए। मत गणनाको अन्तिम नजिता सार्वजनिक हुँदा उनीहरुको गठबन्धन तेस्रो भएको छ। एमाले र कांग्रेस एक्लाएक्लै प्रतिस्पर्धामा थिए।
उपमेयरमामा पनि कांग्रेसकी कल्पना माया पाख्रिन विजयी भएकी छन्।
अधिकारीले एमालेका गोविन्दबहादुर महतलाई एक हजार ६७८ मतान्तरले पराजित गरेका हुन्। उनले ९ हजार ५६१ प्राप्त गरेका छन्।
उनका निकटतम प्रतिस्पर्धी एमालेका महतले ७ हजार ८८३ मत पाएका छन्। माओवादी एकीकृत समाजवादी गठबन्धनका उम्मेदवार माओवादीका प्रह्लाद बुढाथोकीले ६ हजार १७५ मत मात्र पाएका छन्।
उपमेयरमा विजयी हुने पाख्रिनले ८ हजार ८५० मत पाएकी छन्। उनकी उनकी निकटतम प्रतिस्पर्धी एमालेकी सन्सरीमाया थिङले ८ हजार १५९ मत प्राप्त गरिन्।
गठबन्धनबाट एकीकृत समाजवादीकी उम्मेदवारले ३ हजार ६४१ मत पाएकी छन्।
Shares
प्रतिक्रिया