वरिष्ठ उपाध्यक्षको प्रतिस्पर्धाबाट रामचन्द्र संघाई बाहिरिए, अब दोस्रोपटक मतदान हुने

नेपाल उद्योग वाणिज्य महासंघको निर्वाचन दोस्रो चरणमा प्रवेश गरेको छ। 

वरिष्ठ उपाध्यक्षका तीन जना उम्मेदवारमध्ये कसैले पनि ५० प्रतिशत मत ल्याउन नसकेपछि दोस्रो चरणको निर्वाचनबाट मात्रै विजेताको टुंगो लाग्ने भएको हो।  

पहिलो चरणको चुनावबाट वरिष्ठ उपाध्यक्षका उम्मेदवार रामचन्द्र संघाई बाहिरिएका छन्।

पहिलो चरणको मतदानमा सबैभन्दा बढी अञ्जनले ३७ प्रतिशत, उमेशलालले ३१ प्रतिशत र संघाईले ३० प्रतिशत मत ल्याए। यस्तोमा कम मत ल्याएका संघाई स्वत: बाहिरिएका छन्। 

योसँगै अब दोस्रो चरणमा अञ्जन श्रेष्ठ र उमेशलाल श्रेष्ठबीच प्रतिस्पर्धा हुनेछ। दोस्रो चरणको मतदान पनि आजै प्रज्ञा प्रतिष्ठानमा हुनेछ। 

अहिलेसम्म एसोसिएटतर्फ उपाध्यक्ष र १९ सदस्य, वस्तुगत उपाध्यक्ष, जिल्ला/नगरतर्फका नतिजा आइसकेको छ।

• उद्योग वाणिज्य महासंघ एसोसिएटतर्फ उपाध्यक्षमा ज्योत्स्ना श्रेष्ठ विजयी
• उद्योग वाणिज्य महासंघको निर्वाचन– एसोसिएटतर्फ यी १९ जना सदस्यमा विजयी (सूचीसहित)
• वस्तुगत उपाध्यक्षमा हेमराज ढकाल विजयी
• जिल्ला/नगरमा को–को विजयी? (सूची)
• जिल्ला/नगर उपाध्यक्षमा सुरकृष्ण वैद्य विजयी