युनिकोड
नेपालका ४ प्रशिक्षकले एएफसी ए लाइसेन्स र २ प्रशिक्षकले प्रो लाइसेन्स प्राप्त गरेका छन्।
मोडल १ र मोडल २ को आधारमा गरिएको कोचिङ कोर्सबाट ४ जना प्रशिक्षकले एसियन फुटबल फेडेरेसन (एएफसी) लाइसेन्स पाएको अखिल नेपाल फुटबल संघ एन्फाले जनाएको छ।
विभागीय टोली नेपाल पुलिसका प्रशिक्षक अनन्तराज थापा, पुलिसकै चेतन घिमिरे, संकटा क्लबका प्रशिक्षक सल्यान खड्गी र बी डिभिजन क्लब बाँसबारी युथ क्लबका प्रशिक्षक चेतन घिमिरेले ए लाइसेन्स प्राप्त गरेका हुन्।
यस्तै त्रिभुवन आर्मी क्लबका प्रशिक्षक तथा व्यवस्थापन चुन बहादुर थापा र जापानमा एक फुटबल एकेडेमीका प्रशिक्षक रहेका बसन्त गौचन थकालीले प्रो लाइसेन्स पाएका छन्।
एएफसीले गत २०१९ डिसेम्बर १ देखि ८ मार्च २०२० सम्म काठमाडौंमा भएको कोचिङ कोर्सको नतिजा सार्वजनिक गरेको हो। कोचिङ कोर्समा नेपालका २३ भन्दा बढी प्रशिक्षकले भाग लिएका थिए।
प्रतिक्रिया