टीयू मैदान नवीकरणका लागि प्रस्ताव पठाउने क्यानको तयारी

त्रिभुवन विश्वविद्यालय स्रोतले भने अहिलेसम्म कुनै प्रस्ताव नआएको र राखेप वा मन्त्रालयसँग छलफल गरेर आफूहरु अघि बढ्ने बताएको छ।  

स्रोतले भन्यो, ‘टीयूको कुलपति प्रधानमन्त्री हुने भएकाले सरकारले कस्तो निर्णय त्यसमा भर पर्छ, टीयूमा धेरै मुद्दाहरु छन्, त्योमध्ये यो पनि एक हो तर धेरैलाई यो मैदान कुरा मात्रै ठूलो लागेको छ। अब सम्झौता नवीकरणका लागि प्रस्ताव आएपछि बैठक बसेर छलफल गरेर अघि बढ्छौँ।’ 

त्रिवि क्रिकेट मैदानका लागि वि.सं. २०५९ वैशाख १ देखि २०८३ को वैशाखसम्मका लागि सम्झौता भएको थियो। सम्झौतामा दुई पक्षबीच पाँच वर्षमा भाडा वृद्धि गर्ने उल्लेख भए पनि सम्झौताअनुसार काम हुन सकेन। 

सुरुवातको ३ वर्ष क्यानले वार्षिक ३ लाख रुपैयाँ भाडा दिँदै आएको थियो। तर तेस्रो वर्षपछि भने क्यानले वार्षिक ९ लाख रुपैयाँ भाडा त्रिविलाई दिँदै आएको छ। 

टियु मैदानको सम्झौता नवीकरणका विषयमा अन्यौल हुँदा दोस्रो चरणको काम सुरु हुन सकेको छैन। 

मैदानमा पहिलो चरणको काम सम्पन्न हुँदा १० हजार क्षमताको प्यारापिट र ६ वटा फ्लडलाइट जडान भइसकेको छ। सहरी विकास मन्त्रालयको प्रस्तावमा मन्त्रिपरिषद्ले कीर्तिपुर क्रिकेट रंगशालाको गुरुयोजना स्वीकृत गर्दै दोस्रो चरणका लागि करिब १० अर्ब रुपैयाँको बजेट समेत सुनिश्चित गरिसकेको छ। 

जग्गाको सुनिश्चितता भए दोस्रो चरणको काम सुरु गरेर आगामी २ वर्षभित्र सम्पूर्ण निर्माण सक्ने लक्ष्यमा सहरी विकास मन्त्रालय रहेको छ।

यो पनि–

• टीयू मैदान नपाए ‘तल्लो मूलपानी’

• टीयू क्रिकेट मैदानको सम्झौता नवीकरण नगर्ने त्रिभुवन विश्वविद्यालयको तयारी

• त्रिवि क्रिकेट मैदानको सम्झौता सकिन ४ महिना बाँकी छ, नवीकरणको प्रस्ताव लैजान्छौँ : क्यान अध्यक्ष चन्द

• टीयू मैदानको दोस्रो चरणको काम अनिश्चित, प्रधानमन्त्री कार्यालयमार्फत सुल्झाइँदै नवीकरणको अन्योल

• क्रिकेट मैदान विवादमा टीयू भन्छ : क्यान आफैँ यहाँबाट सर्न खोज्दैछ

• तीन दशकअघि फुटबल खेल्ने त्यो टीयू चउर, यो क्रिकेट मैदान