युनिकोड
नेपाल प्रिमियर लिग (एनपीएल) अन्तर्गत जारी खेलमा सुदूरपश्चिमविरुद्ध चौथो ओभरमै लगातार पाँच विकेट गुमाएपछि लुम्बिनी लायन्स संकटमा परेको छ।
इनिङ्सको पहिलो ओभरमै दुई विकेट गुमाएको लुम्बिनीले दोस्रो ओरभमा एक र चौथो ओभरमा लागातार दुई विकेट गुमाएको हो।
इनिङसको पहिलो बलमै ओपनर अर्जुन साउद स्कट कुग्लेजिनको बलमा एलबीडब्लु धरापमा परे। अन्तिम बलमा उन्मुक्त चन्द ४ रन बनाउँदा स्कट कै बलमा एलबीडब्लु धरापमा परे।
दोस्रो ओभरको पाचौँ बलमा कप्तान रोहित पौडेल ५ रन बनाउँदै क्याच आउट हुन पुगे।
चौथो ओभरको दोस्रो बलमा टोम मोरिस ७ रन बनाउँदै क्याच आउट नै भए। तेस्रो बलमा साद विन जफर पहिलो बलमा नै एलबीडब्लु धरापमा परे।
सुदूरपश्चिमका ब्रान्डोन म्याकमुलेनले ३ तथा स्कट कुग्लेजिनले लगातार २ विकेट लिए।
त्यसअघि कीर्तिपुरस्थित त्रिवि क्रिकेट मैदानमा लुम्बिनीले टस जितेर फिल्डिङ रोजेपछि ब्याटिङ गरेको सुदूरपश्चिमले निर्धारित २० ओभरमा ४ विकेटको क्षतिमा १ सय ८७ रनको योगफल तयार पारेको थियो।
प्रतिक्रिया