युनिकोड
घरेलु मैदानमा जारी त्रिकोणात्मक टी–२० सिरिजको उपाधिका लागि नेपाल र नेदरल्यान्ड्स भिड्ने भएका छन्।
नामिबिया र नेदरल्यान्ड्सबीच आइतबार कीर्तिपुर मैदानमा भएको अन्तिम खेल वर्षाका कारण रद्द भएपछि उपाधिका लागि भिड्ने टोलीको टुंगो लागेको हो।
पानी परेर पिच भिजेसँगै खेल रद्द हुँदा आइतबार नामिबिया र नेदरल्यान्ड्सले अंक बाँडेका छन्। अंक बाँड्दा नेदरल्यान्ड्सले ५ अंकसहित शीर्ष स्थानमा रहन सफल भयो।
उता शनिबार नेदरल्यान्ड्सलाई पराजित गरेको नेपाल दोस्रो स्थानमा रह्यो। नेपालको ४ खेलबाट ४ अंक भएको छ।
आइतबारको खेल रद्द भएसँगै तेस्रोमा सीमित नामिबियाले ४ खेलबाट ३ अंक जोडेको छ।
अब उपाधिका लागि नेपाल र नेदरल्यान्ड्सबीच फाइनल खेल मंगलबार हुने छ।
प्रतिक्रिया