युनिकोड
पोखरा प्रिमियर लिग क्रिकेट पीपीएलमा चितवन राइनोज्ले एक्सपर्ट धनगढीसामु १ सय ८२ रनको लक्ष्य प्रस्तुत गरेको छ। पोखरा रगंशलामा टस जितेर ब्याटिङ गरेको चितवनले निर्धारित २० ओभरमा ५ विकेट गुमाउँदै १ सय ८१ रनको योगफल तयारको थियो।
ओपनिङ ब्याट्सम्यान रोहन मुस्ताफा ९ रन जोड्दा दिपेन्द्र सिंह ऐरिको बलमा एलबी डब्लु आउट भए। बाबर हायातले ३६ रन जोडेको ईनिङस्मा कप्तान पारस खड्का २३ रनमा पवेलियन फर्के। हरि शंकर शाहले ८ र अनिल शाहले १९ रन जोडे। आरिफ शेख ४७ र सन्नी पटेल ३१ रनमा नटआउट रहे।
आजको खेलमा धनगढीका कमल ऐरी निकै महंगा सावित भए। उनले आफ्नो खेलमा ५२ रन खर्चंदा १ विकेट पनि झार्न सकेनन्। अनिल खरेल र दिपेन्द्र सिंह ऐरीले समान २ विकेट लिए। अमित यादवले आफ्नो नाममा १ विकेट लेखाए। धनगढीले केहीबेरमा जवाफी ब्याटिङ गर्नेछ।
प्रतिक्रिया