मनसुनी वर्षाले खाँदबारी–नुम सडकमा एक करोडको क्षति

कोसी राजमार्गअन्तर्गत संखुवासभाको खाँदबारी–नुम खण्डको ठूलोढुंगा-अरुणथान सडककाे चार किलोमिटर क्षेत्रमा वर्षाले क्षति भएको छ।

यो खण्डमा कालोपत्रका लागि गरिएको ‘सवबेस’, ग्याविन पर्खाल र नाली बगाएको बाढी पहिराेले बगाएकाे उत्तर दक्षिण कोसी सडक आयोजनाका प्रमुख सविन कोइरालाले बताए। कोसी राजमार्गअन्तर्गत खाँदबारी-किमाथाङ्का खण्डको ठूलोढुंगा अरुणथानमा सबैभन्दा बढी क्षति भएको छ।
 
वर्षाका कारण मकालु गाउँपालिकाको नुममा पहिरो खसेपछि सडक अवरुद्ध भएको छ। आयोजना प्रमुख कोइरालाले अवरुद्ध सडक खुलाउने प्रयास भइरहेको बताए।  

वर्षाले  पिच गर्न तयार गरिएको सडक बगाउँदा करिब रु एक करोडको क्षति भएको छ। रासस