किर्तिपुरमा मोटरसाइकललाई टिपरले ठक्कर दिँदा २४ वर्षीय युवाको मृत्यु

काठमाडौंको किर्तिपुर नगरपालिकामा पर्ने चोभारमा टिपरको ठक्करबाट एक युवाको मृत्यु भएको छ।

सोमबार राति ९ बजे बल्खुबाट चोभार जाँदै गरेको बा ४ ख ४५६५ नम्बरको टिपरले स१०प ४९१३ नम्बरको मोटरसाइकललाई ठक्कर दिँदा मोटरसाइकल चालक खोटाङका २४ वर्षीय सरोज राईको मृत्यु भएको प्रहरीले जनाएको छ।

राईलाई किर्तिपुर नगरपालिका ६ चोभारमा टिपरले ठक्कर दिएको हो। उनको घटनास्थलमै मृत्यु भएको प्रहरीले जनाएको । दुर्घटनापछि टिपर चालकलाई प्रहरीले नियन्त्रणमा लिएको छ।