अख्तियार दुरुपयोग अनुसन्धान आयोगले घुस लिएको आरोपमा काठमाडौंको ताहाचलस्थित वैदेशिक रोजगार कार्यालयका गाडी चालक र अर्का एक मध्यस्थकर्ताविरुद्ध भ्रष्टाचार मुद्दा दायर गरेको छ।
घुससहित पक्राउ परेका कार्यालयका हल्का सवारी चालक धन बहादुर तामाङ र मध्यस्थकर्ता रामानन्द चौधरी उपर विशेष अदालतमा आइतबार भ्रष्टाचार सम्बन्धी आरोप–पत्र दायर गरिएको हो।
सो कार्यालयमा कार्यरत हल्का सवारी चालक (करार) समिर भन्ने धन बहादुर तामाङ र मध्यस्थकर्ता चौधरीले वैदेशिक रोजगारीको लागि श्रम स्वीकृती लिन आएका सेवाग्राहीसँग काम छिटो गरीदिने भनी घुस/रिसवत लिएको अख्तियारको आरोप छ।
विशेष सूचना एवं उजुरीका आधारमा आयोगको टोलीले तामाङ र चौधरीलाई सेवाग्राहीबाट पटक पटक गरी २८ हजार पाँच सय रुपैयाँ घुस बापतको रकम लिएको अवस्थामा नियन्त्रणमा लिएको थियो ।
Shares
प्रतिक्रिया