कोरोना संक्रमणबाट पोखराकी ७३ वर्षीया महिलाको निधन

कोरोना संक्रमणबाट पोखरामा थप एक महिलाको निधन भएको छ।

पोखरा स्वास्थ्य विज्ञान प्रतिष्ठान, पश्चिमाञ्चल क्षेत्रीय अस्पताल अन्तर्गतको कोभिड अस्पतालमा उपचाररत एक महिलाको मंगलबार दिउँसो ३ बजेर ५० मिनेट जाँदा मृत्यु भएको हो।

पोखरा महानगरपालिका १० निवासी ती महिलाको सोमबार कोरोना पोजिटिभ देखिएपछि अस्पतालको र्आसीयूमा राखेर उपचार भइरहेको र उपचारकै क्रममा उनको निधन भएको अस्पतालका निर्देशक सह.प्रा डा. अर्जुन आचार्यले जानकारी दिए।

 योसँगै अस्पतालमा कोरोनाबाट मृत्यु हुने बिरामीको संख्या ९ पुगेको छ।

कोरोना संक्रमणबाट  गण्डकीमा  प्रदेशमा अहिलेसम्म  २१ जनाको मृत्यु भइसकेको छ।