समताका सञ्चालक सञ्जेल धरौटीमा छुटे, विरोध प्रदर्शनको तयारी

हत्या अभियोगमा प्रहरी हिरासतमा रहेका समता स्कूल तथा अस्पतालका सञ्चालक उत्तम सञ्जेल तीन लाख रुपैयाँ धरौटीमा छुटेका छन्। उनीमाथि आफ्नै कर्मचारीको हत्या गरेको अभियोगमा मुद्दा चलेको थियो।

जिल्ला अदालत काठमाडौंले उनलाई तीन लाख धरौटीमा छाड्ने आदेश दिएको हो। त्यस्तै उनकी पत्नी कला पनि तीन लाख धरौटीमा छुटेकी छिन्। समता अस्पतालमा सफाइको काम गर्ने विमला तामाङ असार ३ मा झुन्डिएको अवस्थामा भेटिएको थियो। त्यसपछि प्रहरीले सञ्जेल दम्पतीलाई पक्राउ गरी अनुसन्धान थालेको थियो। पोष्टमार्टममा झुन्डिएकै कारण मृत्यु भएको रिपोर्ट आएको थियो।

रहस्यम रूपमा मृत्यु भएको देखिएपछि सञ्जेल दम्पत्तिलाइ पक्राउ गर्न जनदवाब बढेको थियो। प्रहरीले सञ्जेल पत्नीलाई ज्यान मुद्दा चलाएको थियो। पर्याप्त प्रमाण नभएपछि उनीहरु धरौटीमा छुटेका हुन्।

माइतीघरमा प्रदर्शनको तयारी

समता अस्पतालमा मृत भेटिएकी विमला तामाङका परिवार तथा आफन्तले सञ्जेल दम्पत्ती रिहाइको बिरोध एवं निष्पक्ष छानबिन गरी दोषीउपर कारवाहीको माग गर्दै १ बजे माइतीघरमा प्रदर्शन गर्ने तयारी गरेका छन्। परिवार सदस्यहरू बिमलाको मृत्युमा सञ्जेल दम्पत्ती दोषी रहेको दाबी गर्दै आइरहेका छन्।

सम्बन्धित समाचार: